მცირე და საშუალო ბიზნესის ფინანსებზე წვდომის პრობლემა და მისი გადაჭრის გზები საქართველოში

ერთ-ერთი მთავარი მიზეზი, რის გამოც მცირე და საშუალო ბიზნესისთვის ფინანსებზე წვდომა კრიტიკულია, არის ის, რომ ფინანსებზე შეზღუდული წვდომის პირობებში, მცირე და საშუალო ზომის საწარმოებს ნაკლებად ეძლევა საშუალება, დააფინანსოს ისეთი მნიშვნელოვანი ბიზნეს-აქტივობები, როგორიცაა კვლევა და განვითარება (R&D), ტექნოლოგიები და ინფრასტრუქტურა და სხვ. [...] მსოფლიო ბანკის 2023 წლის გამოკითხვის თანახმად, მცირე და საშუალო ზომის საწარმოები სიმძლავრეების ათვისებაში (66.5% და 69.7% შესაბამისად) მნიშვნელოვნად ჩამორჩება დიდი ზომის საწარმოებს და იმავე ზომის საწარმოებს რეგიონის მასშტაბით (74.2% და 77.5%). [...] 1.2 გამოწვევები, რომელსაც აწყდებიან მცირე და საშუალო მეწარმეები (SME) მცირე და საშუალო ბიზნესის შეზღუდული წვდომა ფინანსებზე მრავალმხრივია და გავლენას ახდენს მათი საქმიანობისა და ზრდის პოტენციალზე. [...] 3.2 ფინანსური განათლებისა და წიგნიერების ამაღლება მცირე და საშუალო მეწარმეების ფინანსური განათლების ზრდისთვის ასევე საჭიროა ყოვლისმომცველი ფინანსური განათლების პროგრამების შემუშავება და ხელშეწყობა, მათ შორის სემინარები, ონლაინ რესურსები და საგანმანათლებლო დაწესებულებებთან პარტნიორობა. [...] 3.3 დაფინანსების ალტერნატიული წყაროების წახალისება დღესდღეობით, საქართველოში არსებობს შემდეგი მცირე და საშუალო მეწარმეობის მხარდამჭერი ინსტიტუციები და პროგრამები: აწარმოე საქართველოში, საქართველოს ინოვაციების და ტექნოლოგიების სააგენტო, სავაჭრო-სამრეწველო პალატა, საქართველოს მცირე და საშუალო საწარმოთა ასოციაცია, მცირე და საშუალო მეწარმეობის განვითარების ასოციაცია, დამსაქმებელთა ასოციაცია19.