ᑕᒪᒃᑯᐊ ᓯᑕᒪᐅᓪᓗᑎᒃ ᐃᓚᒋᔭᐅᖃᑕᐅᑎᑕᐅᔪᐃᑦ, ᐊᑐᓕᖅᑎᑕᐅᓯᒪᔭᕌᖓᑕ ᐅᑭᐅᖅᑕᖅᑐᒥ ᐊᒻᒪᓗ ᐅᑭᐅᖅᑕᖅᑐᒥᐅᓂ ᖃᐅᔨᓴᐃᓂᐅᕙᒃᑐᓂ ᓴᓇᕐᕈᑎᐅᔪᓄᑦ ᑲᓇᑕᒥ, ᓇᓗᓇᐃᖅᓯᔾᔪᑎᐅᓯᒪᕙᒃᐳᑦ ᐊᒻᒪᓗ ᑲᔪᓰᓐᓇᖅᑎᑦᑎᔾᔪᑎᐅᕙᒃᓱᑎᒃ ᑕᒪᐅᓂᖏᓐᓄᑦ ᐊᒻᒪᓗ ᒪᓕᒐᑎᒍᑦ ᒪᓕᑦᓯᐊᖅᑎᑕᐅᓂᖏᓐᓄᑦ ᓇᓗᓇᐃᖅᓯᔾᔪᑎᐅᓪᓗᑎᒃ ᓄᓇᖃᖅᑳᖅᓯᒪᔪᐃᑦ ᖃᐅᔨᒪᓂᖏᓐᓄᑦ ᐱᓕᕆᐊᖃᕈᑎᖏᑕ; ᐊᓯᓂᓗ, ᐃᓱᒪᒃᓴᖅᓯᐅᕈᑎᐅᓯᐊᖅᓯᒪᔭᕆᐊᖃᖅᑐᑦ ᐊᒻᒪᓗ ᐊᑐᓕᖅᑎᑕᐅᕙᒃᓗᑎᒃ ᒥᒃᓯᖃᑦᓯᐊᖅᑐᑎᒍᑦ ᐃᓂᖃᖅᑎᑦᑎᕙᖁᓪᓗᒋᑦ ᐱᑦᓯᐊᖅᑑᓗᑎᒃ ᐊᒻᒪᓗ ᓇᓕᖅᑲᐅᑎᑦᑎᓯᒪᓗᑎᒃ ᖃᐅᔨᓴᐃᓂᖃᕐᓂᕐᓂ ᐱᓇᓱᐊᕈᓯᐅᕙᒃᑐᓄᑦ. [...] ᐱᐅᓯᒋᐊᖅᑎᑕᐅᓯᒪᓂᖏᑦ ᑭᒃᑯᑐᐃᓐᓇᓄᑦ ᐊᑐᐃᓐᓇᐅᑎᑕᐅᓯᒪᓪᓗᑎᒃ ᓇᓂᓯᓯᒪᓕᕆᐊᕈᑏᑦ ᐊᒻᒪᓗ ᓇᐅᑦᓯᖅᑐᐃᓂᕐᒧᑦ ᑐᑭᓯᒋᐊᕐᕕᒃᓴᖁᑏᑦ (ᑐᕌᖓᓪᓗᑎᒃ ᑕᒪᒃᑭᓐᓄᑦ ᖃᐅᔨᓴᐃᓂᕐᓂᑦ ᖃᐅᔨᔭᐅᓯᒪᓕᓚᐅᖅᑐᓂᑦ ᐊᒻᒪᓗ ᑮᓇᐅᔭᐃᑦ ᐊᑐᖅᑕᐅᓯᒪᓂᖏᓐᓄᑦ) ᐃᑲᔪᕈᑎᐅᓯᒪᓕᕋᔭᖅᑐᑦ ᐊᖏᓂᖅᓴᐅᔪᒥᒃ ᐃᓗᒃᑲᐅᑦᓯᐊᖅᑐᑎᒍᑦ ᑐᑭᓯᐅᒪᓕᕋᔭᕐᓂᕐᒥᒃ ᓄᓇᓕᐅᔪᒥ ᑮᓇᐅᔭᓕᐅᕋᓱᐊᕈᑎᐅᕙᒃᑐᑦ ᐊᒻᒪᓗ ᐃᓅᓯᓕᕆᓂᕐᒥ ᐊᒃᑐᐃᓯᒪᓕᖅᐸᓐᓂᖏᑕ ᖃᐅᔨᓴᐃᓂᐅᕙᒃᑐᑦ ᑐᕌᖓᑎᓪᓗᒋᑦ ᓄᓇᖃᖅᑳᖅᓯᒪᔪᓄᑦ ᐊᒻᒪᓗ ᓄᓇᖃᖅᑳᖅᓯᒪᔫᓇᑎᒃ ᓄᓇᖃᖅᑐᓄᑦ ᐅᑭᐅᖅᑕᖅᑐᒥ ᐊᒻᒪᓗ ᐅᑭᐅᖅᑕᖅᑐᒥᐅᑦ ᓄᓇᓕᒋᔭᖏᓐᓂ. [...] ᐊᖏᓂᖅᓴᐅᔪᒥᒃ ᐃᑲᔪᖅᑐᒐᐅᓯᒪᓂᖏᑕ ᐅᑭᐅᖅᑕᖅᑐᒥᐅᑦ ᓯᓚᑦᑐᖅᓴᖅᕕᖏᑦ, ᐊᒻᒪᓗ ᓴᖖᒋᓂᖅᓴᐅᔪᑎᒍᑦ ᐱᓕᕆᐊᖃᖃᑎᒌᖕᓂᐅᔪᓄᑦ ᐱᓕᕆᐊᖃᖅᑎᐅᖃᑎᒌᒃᑐᓂ ᐊᒻᒪᓗ ᓯᓚᑖᓂᑦ ᖃᐅᔨᓴᐃᔨᐅᔪᑦ (ᖃᓪᓗᓈᑦ ᓄᓇᖓᓐᓂᑦ ᐊᒻᒪᓗ ᐊᓯᐊᓂᑦ ᓄᓇᕐᔪᐊᓂᑦ) ᐱᓕᕆᐊᖃᕐᓂᕐᓂ ᐅᑭᐅᖅᑕᖅᑐᒥ, ᐱᑕᖃᓕᕈᑎᐅᔪᓐᓇᕐᒪᑕ ᑐᖖᒐᕝᕕᓕᐅᕐᓯᒪᓕᕐᓂᒃᓴᒥᒃ ᐊᑯᓃᖅᑐᒧᑦ, ᐃᑲᔪᕐᓂᖃᖅᑐᑎᒍᑦ, ᐊᒻᒪᓗ ᒥᒃᓯᖃᑦᓯᐊᖅᑐᑎᒍᑦ ᐱᓕᕆᖃᑎᒌᒃᐸᓐᓂᐅᔪᓄᑦ ᖃᐅᔨᓴᐃᔨᐅᕙᒃᑐᓂᑦ ᐊᒻᒪᓗ ᐅᑭᐅᖅᑕᖅᑐᒥᐅᓂ ᓄᓇᖃᖅᑳᕐᓯᒪᔪᓂᑦ. [...] ᓯᓚᑦᑐᖅᓴᖅᕕᐅᑉ ᖁᑦᑎᖕᓂᖓᒍᑦ, ᐊᑐᕐᓂᖃᖅᑐᓂᒃ ᐊᒻᒪᓗ ᓴᖅᑮᓯᒪᓕᕈᓐᓇᖅᑑᓪᓗᑎᒃ ᐱᓕᕆᐊᓂᒃ ᐋᖅᑭᒃᓱᐃᓯᒪᓕᕐᓂᖅ ᐃᓚᖃᖅᑎᑦᑎᕙᒃᑐᓂᒃ ᓄᓇᖅᑲᑎᒌᖑᔪᑦ ᐃᑲᔪᖃᑕᐅᑎᑕᐅᓗᑎᒃ ᐊᒻᒪᓗ ᐱᒋᐊᖅᑎᑦᑎᓯᒪᓕᕐᓗᑎᒃ, ᐊᒻᒪᓗ ᐃᑲᔪᖅᑐᐃᓂᖃᕐᓗᑎᒃ, ᐃᓕᓐᓂᐊᕈᓐᓇᕐᓂᕐᓄᑦ ᐊᑐᐃᓐᓇᐅᑎᑦᑎᓯᒪᔪᓂᒃ, ᐃᔾᔪᐊᕈᒥᓇᖅᑑᑎᓂᒃ, ᐊᒻᒪᓗ ᐱᐅᓯᑐᖃᒃᑯᑦ ᐃᑲᔪᕐᓂᖃᕋᔭᖅᑐᓂᒃ. [...] ᑕᐃᒪᓗ ᐃᑯᐊᓛᖅᑎᑕᐅᔪᒃᓴᖅ ᐃᑭᓯᒪᓕᖅᐸᑦ, ᐃᒃᐱᒍᓱᑦᓯᐊᕈᓐᓇᕐᓂᖅ ᐊᒻᒪᓗ ᑐᓵᑦᓯᐊᕆᐊᕈᓐᓇᕐᓂᖅ ᓄᖅᑲᖅᑎᑕᐅᔪᓐᓇᕐᓂᐊᖖᒋᑦᑐᖅ— ᒪᒋᔭᐅᔭᕆᐊᖃᓪᓚᕆᖕᓂᐊᕐᑐᖅ ᐊᒻᒪᓗ ᑲᔪᑏᓐᓇᖅᑎᑕᐅᓯᒪᒋᐊᕐᓗᓂ, ᐊᒥᖅᑲᕈᑎᖃᕐᓂᖅ Council of Canadian Academies | 9 ᐅᑭᐅᖅᑕᖅᑐᒥᐅᑦ ᖃᐅᔨᓴᐃᓂᕐᒥ ᓯᕗᓕᖅᑎᒋᔭᖏᑦ ᐊᒻᒪᓗ ᓇᓕᖅᑲᕇᒃᑎᑦᑎᓯᒪᓂᖅ ᐱᓕᕆᐊᒃᓴᐅᔪᒥᒃ ᐅᖓᑖᓄᐊᖅᑎᑕᐅᓯᒪᓗᓂ ᑕᒪᐃᓐᓂᑦ ᐃᓄᖕᓂᑦ ᐊᒻᒪᓗ ᐃᖅᑲᓇᐃᔭᕐᕕᐅᔪᓂᑦ ᐃᓚᒋᔭᐅᖃᑕᐅᔪᓂᑦ ᐅᑭᐅᖅᑕᖅᑐᒥ ᐊᒻᒪᓗ ᐅᑭᐅᖅᑕᖅᑐᒥᐅᑦ ᖃᐅᔨᓴᐃᓂᕆᕙᒃᑕᖏᓐᓄᑦ.
- Pages
- 15
- Published in
- Canada
